香港新浪網 MySinaBlog
« 上一篇 | 下一篇 »
Dozy.第一桶金 | 22nd Feb 2016 | 一般, 財富@投資世界 | (3365 Reads)
新年前寫了一篇猴年樓市預測
很多朋友問…咁即係應該點做?於是再寫一篇猴年投資策略。
Picture

買樓篇

第一,如果想買樓,快!好好把握今次機會!

先此聲明,筆者不是盲目好友,去年樓價不斷闖高的時候,筆者力排眾議唱淡,當時在專欄、網誌、訪問建議大家的策略是…避開明顯炒過籠、高溢價的物業,並堅持不平不賣,絕不高價追貨。
今 天樓價已經下跌一、兩成,部份劈價盤甚至下跌三成,而家唔把握機會,莫非要等佢升番先再追價入貨?尤其一直等機會上車,又有能力可以借90%的朋友,以一 個去年賣450萬的物業為例,最多只能借80%,首期要90萬,Mission Impossible吧!假設樓價跌了15%,同一個物業今天賣380萬,38萬首期就可以了,不可能變成可能!供樓負擔仲要少好多,今年唔買勢必後悔!

第二,會唔會再跌?買貴咗點算?有策略!
筆 者奇怪…點解去年樓價咁高你又唔驚?而家平咗兩成反而驚?而家買點計都安全過舊年買!講真…呢個世界冇人知道幾時係底,大家都係鬥估,如果真係驚,可以… 第一,你可以俾多啲心機搵筍盤,再劈多10%,平咗三成,即是跌四成先入肉,輸極有限。第二,唔使一舖晒冷,平平哋買住間細價樓先,留番一注錢,萬一睇錯 仲可以搏多舖,雖然呎價係貴少少,但係已經正常番好多。

賣樓篇

第一,如果唔急用錢,不應該急於賣樓。

現 在市場信心虛怯,就算你肯賣,都未必有人買。如果真係要賣,一定被劈到體無完膚,以一個去年賣400萬的單位為例,市區樓大概要360萬,新界樓大概要 320萬才有較強的承接,你是否可以接受賣平幾十萬?如果可以,平賣平買,沒問題。如果心裡不舒服,那就關掉那些劈價新聞,時運高,睇唔到,高高興興的去 吃喝玩樂享受生活,半年後再戰江湖。正如上次文章所說,筆者預期這一浪不會跌穿2014年初的水平,而且今年內就會見底反彈。

第二,就算賣,應該加價,不是減價!
減價未必能幫你賣樓!…看似不可思議?卻是事實!

去年樓價不斷闖高,個個都驚越遲買越貴,乜鬼樓都爭崩頭去買。相反今天樓價已經下跌一、兩成,部份劈價盤甚至下跌三成,反而個個都唔敢買,因為驚越遲買越平,驚買貴,驚蝕底。
業主賣樓,無非想賣個好價錢,那就要先扭轉越遲買越平的預期,如果唔急於賣,你可以嘗試放盤,但不是減價,越是減價,買家越唔敢買,大家睇吓今期居屋房協都唔敢減價就知,因為一減價,不但冇人買,就連之前買的人都會撻訂。相反應該是提高叫價,例如高於市價或估價10%,加價的業主多了,預期扭轉了,就會有人買樓,樓價就會穩定,可能你會說:「加價?邊有代理幫我放盤?」唔使擔心,二手樓是 可以講價的,只要跟代理溝通好,擴大議價空間,豈不一樣?!有好多精彩策略,講座再分享。

★★ 1% 小本地產投資實戰。免費講座!★★
★★ 新年新目標!...趁跌市,執平貨,賺大錢!★★

。筍盤湧現,平兩、三成都有,今年唔買樓勢必後悔?
。住宅調整幾多?點樣鋤價?幾時撈底?點計?
。買乜嘢樓最穩陣?最有前景?點殺價殺多幾十萬?
。投資者揀爆升樓、增值、買賣秘技大公開!
講者:本人 - 1% Anthony!多謝支持
經濟一週專欄、暢銷書「上車又住又賺」、「樓轉命運」、「工商舖小本投資入門」等作者
日期:2 月 24 日(三)7~10pm  
地點:佐敦
留位:65330710-Cola、60980107-Icy(歡迎 Whatsapp)

About ME...
如果啱睇請加入 Facebook 群組「投資兵團」或讚好...
第一桶金專頁:www.facebook.com/anthony.wealth
第一桶金:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。
留言(0) | 引用(0) | 話題(地產)